ភ្នំពេញ ៖ កម្លាំងនគរបាលក្រុងច្បារមន​ ឃាត់មុខសញ្ញាចែកចាយគ្រឿងញៀនម្នាក់នៅចំណុចភូមិផ្សារចាស់ សង្កាត់ស្វាយ​ក្រវ៉ាន់ ក្រុងច្បារមន កាលពីថ្ងៃអាទិត្យ ៤កើត ផល្គុន រកា នព្វស័ក ព.ស២៥៦១ ត្រូវនឹងថ្ងៃទី១៨ ខែកុម្ភៈ ឆ្នាំ​២០១៨ វេលាម៉ោង០៩និង៣០នាទី។

សមត្ថកិច្ចបានឱ្យដឹងថាជនសង្ស័យឈ្មោះ តិ ខេម ភេទប្រុស អាយុ៣៧ឆ្នាំ ទីលំនៅភូមិដូង ឃុំជាំសង្កែ ស្រុកភ្នំស្រួ​ច ខេត្តកំពង់ស្ពឺ។

ក្នុងកិច្ចប្រតិបត្តិខាងលើសមត្ថកិច្ចបានធ្វើការឆែកឆេរដកហូតវត្ថុតាងរួមមាន ម្សៅក្រាមពណ៌សសង្ស័យគ្រឿង​ញៀន ១១ កញ្ចប់(ធំ៥កញ្ចប់, មធ្យម៣កញ្ចប់ និងតូច៣​កញ្ចប់),ទូរស័ព្ទ២គ្រឿង, ម៉ូតូ ០១គ្រឿង និងសម្ភារ:​ប្រើ​ប្រាស់វេចខ្ចប់មួយចំនួនទៀត។

បច្ចុប្បន្នកម្លាំងជំនាញកំពុងសាកសួរយកចម្លើយស្វែងរកបក្ខពួកនិងបានកសាងសំណុំរឿងបញ្ជូនទៅ​ការិយាល័យប្រឆាំងគ្រឿងញៀនខេត្ដចាត់ការតាមនីតិវិធី៕